[ബ്ലോഗെഴുത്ത് (വാര്‍ത്തകള്‍ തിരഞ്ഞെടുത്തു നല്‍കുന്നതിനായി മനോരമ, മാധ്യമം, ദീപിക, മംഗളം, മാതൃഭൂമി, കേരളകൗമുദി, മുതലായ പത്രങ്ങളിലെ വാര്‍ത്തകളോട് കടപ്പാട്.) വായനക്കാര്‍ക്ക് ചുരുങ്ങിയ സമയത്തില്‍ പ്രധാനപെട്ട കേരള, ഇന്ത്യ, വേള്‍ഡ് വാര്‍ത്തകള്‍ ഒറ്റ നോട്ടത്തില്‍ വായിച്ചു മനസ്സിലാക്കാന്‍ വേണ്ടിയുള്ള ഈ സധുധേശം പ്രധാന പത്ര മാധ്യമങ്ങള്‍ മനസ്സിലാക്കാന്‍ അപേക്ഷിക്കുനതോടൊപ്പം, ഹെഡിംഗ് ലിങ്ക് അവരുടെ സൈറ്റ്ലേക്ക് ലിങ്ക് ചെയ്തിട്ടുമുണ്ട്. അവരോടുള്ള കടപ്പാടും ഇവിടെ അറിയിക്കുന്നു. നിങ്ങളുടെ കൂട്ടുകാരെയും ഈ ഇന്ഫോര്‍മശന്‍ ബ്ലോഗ്ഗിലേക്ക്‌ സ്വാഗതം ചെയ്യൂ.ബ്ലോഗ്ഗെര്‍.]


തിങ്കളാഴ്‌ച, ജൂലൈ 15, 2019

വിദ്യാഭ്യാസ വായ്പ എടുക്കുന്നവർ ശ്രദ്ധിക്കുക ...?

"Please give a comment about this post; also forward this post your dearest friends and relatives. thanks" !!

സൂക്ഷിച്ചു കൈകാര്യം ചെയ്തില്ലെങ്കിൽ കുരുക്കാകും; 

 കെ.പി.സഫീന 
●▬▬▬▬▬▬▬▬▬▬▬▬▬●  
CSC കേന്ദ്രം വഴിയുള്ള കേന്ദ്ര- സംസ്ഥാന
 സർക്കാറുകളുടെ വിവിധ സേവനങ്ങളെക്കുറിച്ച് കൃത്യമായി അറിയുന്നതിന് ശിവശക്തി ഡിജിറ്റൽ സേവ കേന്ദ്രത്തിന്റെ വാട്സാപ്പ് ഗ്രൂപ്പിൽ അംഗമാവുക.                                    നിലവിൽ അംഗമല്ലാത്തവർ മാത്രം താഴെയുള്ള ലിങ്കിൽ ക്ലിക്ക് ചെയ്യുക:
https://chat.whatsapp.com/HmDErjegN0QIfCLF3zHodr
●▬▬▬▬▬▬▬▬▬▬▬▬▬●
ഉന്നതവിദ്യാഭ്യാസ മേഖലയിൽ പുതിയ അധ്യയന വർഷത്തേക്കുള്ള പ്രവേശനത്തിന്റെ കാലമാണ്. താൽപര്യമുള്ള കോഴ്സിനായി വായ്പ എടുക്കുന്നതിനു പകരം, വായ്പ കിട്ടുന്നതു കൊണ്ടു മാത്രം ഏതെങ്കിലും കോഴ്സ് പഠിച്ചേക്കാം എന്നു കരുതി ഇറങ്ങിപ്പുറപ്പെടുന്നവരുമുണ്ട്. ഓർക്കുക, സൂക്ഷിച്ചു കൈകാര്യം ചെയ്തില്ലെങ്കിൽ തലയിൽ വീഴുന്ന കോടാലിയായിരിക്കും വിദ്യാഭ്യാസ വായ്പ. 

ഏതു വായ്പയെടുക്കുമ്പോഴും വായ്പക്കാരന്റെ തിരിച്ചടവു ശേഷി പ്രധാനമാണ്. ഇതു വിദ്യാഭ്യാസ വായ്പയ്ക്കും ബാധകമാണെന്ന് ഓർക്കണം. വായ്പ എടുക്കുമ്പോൾത്തന്നെ നിശ്ചിത കാലാവധിക്കുള്ളിൽ പഠനം പൂർത്തിയാക്കി ജോലി നേടി വായ്പ തിരിച്ചടയ്ക്കാൻ കഴിയുമോ എന്ന് ആലോചിക്കണം. ജോലി കിട്ടിയാൽ ലഭിക്കുന്ന വരുമാനം കൊണ്ട് തിരിച്ചടവു മുടങ്ങാതെ കൊണ്ടുപോകാൻ കഴിയുമോ എന്നും ഏകദേശം കണക്കു കൂട്ടി നോക്കാം. 

നിങ്ങൾ പഠനം കഴിഞ്ഞു പുറത്തിറങ്ങുമ്പോൾ നിലവിലെ തൊഴിൽ സാഹചര്യം ആയിരിക്കണമെന്നില്ല. തൊഴിൽ അവസരങ്ങൾ കൂടുകയോ കുറയുകയോ ചെയ്യാം. ഇതിനനുസരിച്ചു നിങ്ങൾക്കു കിട്ടുന്ന വരുമാനത്തിലും ഏറ്റക്കുറച്ചിലുണ്ടാകുമെന്ന് ഓർക്കണം. അതു നിങ്ങളുടെ തിരിച്ചടവു ശേഷിയെ ബാധിക്കുകയും ചെയ്യും. 

നിലവിൽ ഇഎംഐ ആയി കണക്കാക്കുന്ന തുകയുടെ ഇരട്ടിയെങ്കിലും ശമ്പളമായി ലഭിച്ചാലേ മുടക്കമില്ലാതെ തിരിച്ചടവു കൊണ്ടുപോകാൻ കഴിയൂ എന്ന് ഓർമ വേണം. നഴ്സിങ്, എൻജിനീയറിങ്, നിയമ കോഴ്സ് പഠനങ്ങൾക്കായി വായ്പയെടുക്കുന്ന വിദ്യാർഥികൾ പലപ്പോഴും തിരിച്ചടവിനു ബുദ്ധിമുട്ടുന്നതായാണു ബാങ്കുകൾ നൽകുന്ന കണക്കുകൾ വ്യക്തമാക്കുന്നത്. 

 ഒരു ഏകദേശ ഉദാഹരണം: 

ബിഎസ്‍സി നഴ്സിങ് കോഴ്സിന് ഒരു വിദ്യാർഥി ചേർന്നെന്നിരിക്കട്ടെ. ട്യൂഷൻഫീസ്, ഹോസ്റ്റൽഫീസ്, മറ്റ് ചെലവുകൾ അടക്കം ബാങ്ക് 3.20 ലക്ഷം രൂപ നൽകും. പ്രതിമാസം പലിശനിരക്ക് 10% എന്നു കണക്കാക്കിയാൽ 5 വർഷം കഴിയുമ്പോൾ ആ വിദ്യാർഥി ആകെ അടയ്ക്കേണ്ടി വരുന്നത് 4.40 ലക്ഷം രൂപയാണ്. 

15 വർഷം കൊണ്ട് അടച്ചു തീർക്കാനാണ് ഉദ്ദേശിക്കുന്നതെങ്കിൽ പ്രതിമാസം ശരാശരി 5000–6000 രൂപയ്ക്ക് ഇടയിൽ അടയ്ക്കണം. ജീവിതച്ചെലവ് ഏറ്റവും ചുരുങ്ങിയത് 5000 രൂപയെന്നു കണക്കാക്കിയാൽ പോലും തിരിച്ചടവും വായ്പാ തിരിച്ചടവും ചേർത്ത് ഏറ്റവും ചുരുങ്ങിയത് 10000 രൂപയെങ്കിലും ശമ്പളമായി ലഭിക്കണം. എന്നാൽ കേരളത്തിലെ പല സ്വകാര്യ ആശുപത്രികളിലും ജോലിക്കു കയറുന്ന ഒരു നഴ്സിങ് ട്രെയിനിക്കു നൽകുന്നത് 10000 രൂപയിൽ താഴെയാണ്. ഇനി കാലാവധി 10 വർഷമാണെങ്കിൽ തിരിച്ചടവു തുക വീണ്ടും ഉയരും. അതിന്റെ ഇരട്ടി ശമ്പളവും ലഭിക്കണം. 

ജോലി ലഭിച്ചാലും പലപ്പോഴും വായ്പാ തിരിച്ചടവു മുടങ്ങിപ്പോകുന്നതിന്റെ കാരണവും ഇതുതന്നെ. അതുകൊണ്ട് വായ്പെയെടുക്കും മുൻപ് തിരിച്ചടവ് ഉറപ്പുവരുത്താൻ കഴിയുന്ന രീതിയിൽ ശമ്പളം ലഭിക്കുന്ന ജോലിയാണോ എന്നു കൂടി ഉറപ്പുവരുത്താൻ വിദ്യാർഥികൾ ശ്രദ്ധിക്കണം. 

 വിദ്യാഭ്യാസ വായ്പ എടുക്കുന്നവരുടെ ശ്രദ്ധയ്ക്ക് 
∙പഠനശേഷം ജോലി ലഭിച്ചാലും വായ്പ തിരിച്ചടയ്ക്കാത്തവരുണ്ട്. എന്നെങ്കിലുമൊരിക്കൽ വായ്പ സർക്കാർ എഴുതിത്തള്ളുമെന്നാണ് ഇവരുടെ പ്രതീക്ഷ. എഴുതിത്തള്ളിയാലും ഭാവിയിലെ ബാങ്ക് ഇടപാടുകൾക്ക് അതൊരു നെഗറ്റീവ് മാർക്കാണെന്ന് ഓർമ വേണം.

∙നിലവിൽ ബാങ്കുകളിൽ കർശനമാക്കിയ കെവൈസി പോളിസികൾ പ്രകാരം വിദ്യാർഥിയുടെ ആധാർ, പാൻ രേഖകൾ ബാങ്കുകൾ കൈവശം സൂക്ഷിക്കുന്നുണ്ട്.  രാജ്യത്ത് ഏതു ബാങ്ക് വഴി ശമ്പളം വാങ്ങിയാലും ഉടൻ തന്നെ അത് വായ്പയെടുത്ത ബാങ്കിന് അറിയാൻ സംവിധാനമുണ്ട്. ബാങ്കുകൾ നേരിട്ട് എംപ്ലോയറെ സമീപിക്കാനും സാധ്യതയുണ്ട്‌.

∙നിങ്ങളുടെ ഏതെങ്കിലും വായ്പ ഇടപാടിൽ ഇളവു നൽകി ഒറ്റത്തവണ തീർപ്പാക്കൽ നടത്തിയിട്ടുണ്ടെങ്കിൽ സിബിൽ സ്കോറിൽ കനത്ത ഇടിവുണ്ടാകും. 

∙കോഴ്സ് കാലാവധിയും അതിനു ശേഷം ജോലി കിട്ടുന്നതു വരെയുള്ള മൊറട്ടോറിയം കാലാവധിയും കഴിഞ്ഞേ വായ്പ തിരിച്ചടവു തുടങ്ങേണ്ടതുള്ളൂ. ഈ കാലയളവു വരെ സാധാരണ നിരക്കിലും തുടർന്നുള്ള സമയത്തേക്ക് കൂട്ടുപലിശ നിരക്കിലുമാണു പലിശ കണക്കാക്കുന്നത്. 

∙വായ്പ എടുത്ത മാസം മുതൽ തന്നെ ചെറിയ രീതിയിൽ പലിശ തിരിച്ചടയ്ക്കാൻ രക്ഷിതാക്കൾക്കു ശേഷിയുണ്ടെങ്കിൽ അതിനു ശ്രമിക്കുന്നതാണു നല്ലത്. അങ്ങനെയാണെങ്കിൽ പഠനം പൂർത്തിയാക്കുമ്പോഴേക്കും വൻ തുക ബാധ്യതയായി കാത്തിരിക്കില്ല. 

വെള്ളിയാഴ്‌ച, ജൂലൈ 12, 2019

വിദ്യാഭ്യാസ വായ്പ അപേക്ഷ (വിദ്യാലക്ഷ്മി പോർട്ടൽ)...?

സര്‍വകലാശാലകളും അംഗീകൃത കോളേജുകളും നടത്തുന്ന വിവിധ ബിരുദ ബിരുദാനന്തര കോഴ്‌സുകള്‍ക്കും പ്രൊഫഷണല്‍ വൊക്കേഷണല്‍ കോഴ്സകൾക്കും വിദേശ ഉപരിപഠന കോഴ്സ്‌കൾക്കുമുള്ള വിദ്യാഭ്യാസ വായ്പ പദ്ധതിയുടെ ഒൺലൈൻ അപേക്ഷകൾ ആരംഭിച്ചിരിക്കുന്നു. 

39 ബാങ്കുകളുടെ 70 ൽ പരം വായ്പാ പദ്ധതിയിലേക്ക് ഇപ്പോൾ അപേക്ഷിക്കാം

ആവശ്യമായ രേഖകൾ

1. എഡ്യൂക്കേഷൻ ക്വാളിഫിക്കേഷൻ സർട്ടിഫിക്കറ്റുകൾ
2. അഡ്മിഷൻ ലെറ്റർ
3. ഫീസ് ഡീറ്റൈൽസ്
4. വരുമാന സർട്ടിഫിക്കറ്റ്
5. പാൻ കാർഡ് (optional)
6. ആധാർ കാർഡ്(Optional)
7. ബാങ്ക് അക്കൊണ്ട് വിവരങ്ങൾ

ശ്രദ്ധിക്കേണ്ടവ

1. മെറിറ്റ് അടിസ്ഥാനത്തിൽ കിട്ടിയ അഡ്മിഷൻ മാത്രമേ ലോണിന് പരിഗണിക്കുകയുള്ളൂ. (അഡ്മിഷൻ ലേറ്ററിൽ അത് മെറിറ്റ് ബേസ് ആണോ എന്ന് ഉറപ്പ് വരുത്തുക)

2. 4 ലക്ഷം വരെ ഉളള ലോൺ തുകയ്ക്ക് ബാങ്കിന് ഈട് (security) നൽകേണ്ടതില്ല.

3. അംഗീകൃത യൂണിവേഴ്‌സിറ്റി / കോളേജ് അഡ്മിഷനുകൾക്ക് മാത്രമേ ലോൺ ലഭിക്കൂ. (അംഗീകരമുള്ളതാണ് എന്ന് തെളിയിക്കുന്ന രേഖകളുടെ കോപ്പി കോളേജിൽ നിന്ന് വാങ്ങുക)

4. ഒരു തവണ അപ്പ്ലിക്കേഷൻ സമർപ്പിച്ചാൽ തിരുത്തുന്നതിനോ പുതിയത് ചെയ്യാനോ സാധിക്കില്ല. അതിനാൽ പരമാവധി തെറ്റുകൾ വരാതെ നോക്കുക.

5. പരമാവധി 3 ബാങ്കുകളിലേക്ക് ഒരേ സമയം അപേക്ഷിക്കാം.. അപേക്ഷകൻ ഒരു ബാങ്കിലേക്കാണ് അപേക്ഷിക്കേണ്ടതെങ്കിലും മറ്റ് 2 ബാങ്കുകൾ കൂടി വയ്ക്കുന്നത് നല്ലതാണ് (ഏതെങ്കിലും കാരണവശാൽ ഒരു ബാങ്ക് അപേക്ഷ നിരസിച്ചാൽ മറ്റ് ബാങ്കുകളെ സമീപിക്കാം.. എന്നാൽ അപേക്ഷ സബ്മിറ്റ് ചെയ്ത ശേഷം മറ്റു ബാങ്കുകളിലേക്ക് അപേക്ഷിക്കാൻ പറ്റില്ല.. ആയതിനാൽ ആദ്യം തന്നെ 3 ബാങ്ക് സെലെക്റ്റ് ചെയ്യുക)

6. വിദ്യാർഥിയാണ് അപേക്ഷകൻ എങ്കിലും co applicant ആയി രക്ഷകർത്താവിന്റെ വിവരങ്ങൾ കൂടി നൽകണം.

7.പാൻ കാർഡ് , ലോൺ അപേക്ഷിക്കുമ്പോൾ ഓപ്ഷണൽ ആണെങ്കിലും ലോൺ പ്രോസസിങ് ടൈമിൽ അത്യാവശ്യം ആയി വരും (2 പേർക്കും പാൻ കാർഡ് ഉണ്ടെന്ന് ഉറപ്പ് വരുത്തുക)

8. സൈറ്റിൽ 8 ൽ അധികം രേഖകൾ അപ്ലോഡ് ചെയ്യാൻ ചോദിക്കുന്നുണ്ടെങ്കിലും നിർബദ്ധമായും qualification certificate, admission letter , fees details, Income സർട്ടിഫിക്കറ്റ് ഇവ അപ്‍ലോഡ് ചെയ്യുക.. (മറ്റ് രേഖകൾ ബാങ്കിൽ നേരിട്ട് സമർപ്പിച്ചാൽ മതിയാകും)

9. അപേക്ഷിച്ചു കഴിഞ്ഞു കിട്ടുന്ന പ്രിന്റും മതിയായ രേഖകളും കൂടി വേണം ബാങ്കിനെ സമീപിക്കാൻ.. 

🎆  ഇങ്ങനെ ഒരു അവസരത്തെ  കുറിച്ച് അറിഞ്ഞില്ല എന്ന കാരണത്താൽ ആർക്കും അവസരം നഷ്ടമാവരുത്.

"Please give a comment about this post; also forward this post your dearest friends and relatives. thanks" !!

ങ്ഹാ, സമയം ഒരുപാടായി !!!

Careermidway.com | Today's Jobs in Qatar

Google Malayalam News !

Namecheap.com - Cheap domain name registration, renewal and transfers - Free SSL Certificates - Web Hosting

Mangalam News !

Mathrubhumi News !

Helpful School Blogs

പ്രധാന വാര്‍ത്തകള്‍ - Google വാര്‍ത്ത