ന്യൂഡല്‍ഹി: അടുത്ത വര്‍ഷം മുതല്‍ ഇന്ത്യക്കുള്ളില്‍ എവിടെ സഞ്ചരിച്ചാലും മൊബൈല്‍ ഫോണ്‍ ഉപയോക്താക്കള്‍ റോമിങ് നിരക്കുകള്‍ നല്‍കേണ്ടിവരില്ല.ടെലികോം സെക്രട്ടറി ആര്‍.ചന്ദ്രശേഖറാണ് ഇക്കാര്യം അറിയിച്ചത്. എന്നാല്‍ 2013ല്‍ ഏതു മാസം മുതലായിരിക്കും ഇതു നടപ്പാക്കുക എന്ന് വ്യക്തമാക്കാന്‍ അദ്ദേഹം തയ്യാറായില്ല. റോമിങ് നിരക്കുകള്‍ ഒഴിവാക്കുമെന്ന് നേരത്തെ തന്നെ കേന്ദ്ര ടെലികോം മന്ത്രാലയം പ്രഖ്യാപിച്ചിരുന്നെങ്കിലും അത് എപ്പോള്‍ പ്രാബല്യത്തില്‍ വരുമെന്ന് അറിയിച്ചിരുന്നില്ല. 2012ലെ ദേശീയ ടെലികോം നയത്തിലാണ് ഇന്ത്യയൊട്ടാകെ സൗജന്യ റോമിങ് പ്രഖ്യാപിച്ചത്. ഇതു നടപ്പാക്കുന്നതു സംബന്ധിച്ച് രൂപരേഖ തയ്യാറാക്കാന്‍ ധനമന്ത്രാലയം ടെലികോം വകുപ്പിനോട് ആവശ്യപ്പെട്ടിട്ടുണ്ട്. സൗജന്യ റോമിങ് നടപ്പാക്കാനുള്ള നടപടിക്രമങ്ങള്‍ ആരംഭിച്ചുകഴിഞ്ഞെന്ന് ടെലികോം സെക്രട്ടറി വിശദീകരിച്ചു. അതേസമയം, സൗജന്യ റോമിങ്ങിന് ടെലികോം കമ്പനികള്‍ എതിരാണ്. വരുമാനം കുറയുമെന്നതു തന്നെ കാരണം.
(courtesy:mathrubhumi)
"Please give a comment about this post; also forward this post your dearest friends and relatives. thanks" !!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
Please give a comment about this post; also forward this post your dearest friends and relatives. thanks. !!