മസ്കത്ത്: രാജ്യത്തെ മികച്ച അധ്യാപകര്‍ക്ക് ഒമാന്‍ വിദ്യാഭ്യാസമന്ത്രാലയം നല്‍കുന്ന പുരസ്കാരത്തിന് മലയാളി അര്‍ഹനായി. എറണാകുളം ജില്ലയിലെ പെരുമ്പാവൂര്‍ ഓടക്കാലി സ്വദേശി കെ.കെ. രാജീവിനാണ് (36) ഈ അപൂര്‍വ ബഹുമതി. പുരസ്കാരത്തിനായി തെരഞ്ഞെടുക്കപ്പെട്ട 150 അധ്യാപകരിലെ ഏക ഇന്ത്യക്കാരനും രാജീവാണ്. എട്ടുവര്‍ഷമായി ബര്‍ക ഒഗ്ദയിലെ മദ്റസത്തുല്‍ സഹ്ബാ വയില്‍ എന്ന ഒമാനി സ്കൂളിലെ ഇംഗ്ളീഷ് അധ്യാപകനാണ് ഇദ്ദഹേം.തിങ്കളാഴ്ച അല്‍ബുസ്താന്‍ പാലസില്‍ നടന്ന പ്രൗഢമായ ചടങ്ങില്‍ ഒമാന്‍ വിദ്യാഭ്യാസമന്ത്രി ഡോ. മദീഹ ബിന്‍ത് അഹ്മദ് ബിന്‍ നാസിര്‍ ആല്‍ശിബാനിയ രാജീവിന് പുരസ്കാരം കൈമാറി. വിദ്യാഭ്യാസരംഗത്ത് രാജീവിന്റെ സംഭാവനകളെ പ്രകീര്‍ത്തിക്കുന്ന പ്രശസ്തിപത്രവും ലാപ്ടോപ്പും, ഒപ്പം ആദരിച്ച അധ്യാപകരുടെ പേരുവിവരമടങ്ങുന്ന സ്മരണികയുമായിരുന്നു പുരസ്കാരം. നാട്ടിലെ ഡി.ഇ.ഒക്ക് സമാനമായി ഒമാനിലുള്ള മുദരിയകളില്‍ നിന്നാണ് പുരസ്കാരത്തിന് പരിഗണിക്കേണ്ട അധ്യാപകരെ നിര്‍ദേശിക്കുന്നത്.കൊച്ചി സര്‍വകലാശാലയില്‍ സെക്ഷന്‍ ഓഫിസറായ രാജീവ് അവധിയെടുത്താണ് വര്‍ഷങ്ങള്‍ക്ക് മുമ്പ് മന്ത്രാലയത്തിന് കീഴില്‍ അധ്യാപകനാകുന്നത്. ഇംഗ്ളീഷ് ബിരുദാനന്തര ബിരുദത്തിന് പുറമെ എം.ബി.എ.യും കരസ്ഥമാക്കിയ ഇദ്ദഹേം നേരത്തേ ആന്ധ്രാപ്രദേശില്‍ അധ്യാപകനായി സേവനമനുഷ്ഠിച്ചിട്ടുണ്ട്. പൊതുമരാമത്ത് വകുപ്പിലെ റിട്ട. എഞ്ചിനീയര്‍ കരുണാകരന്റെയും ചന്ദ്രികയുടെയും മകനാണ്. ഭാര്യ: ഡോ. സുചിത്ര ബര്‍കയിലെ ബദര്‍ അല്‍ സമ ആശുപത്രിയില്‍ ജോലിചെയ്യന്നു.
"Please give a comment about this post; also forward this post your dearest friends and relatives. thanks" !!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
Please give a comment about this post; also forward this post your dearest friends and relatives. thanks. !!