കടലിലെ വെടിവയ്‌പ്: ഇറ്റാലിയന്‍ അംബാസഡറോട്‌ വിശദീകരണം തേടി‍‍‍‍ !!

 ന്യുഡല്‍ഹി: നീണ്ടകര ഉള്‍ക്കടലില്‍ ഇറ്റാലിയന്‍ കപ്പലില്‍ നിന്നുള്ള വെടിവയ്‌പില്‍ രണ്ട്‌ മത്സ്യത്തൊഴിലാളികള്‍ മരിച്ച സംഭവത്തില്‍ വിദേശകാര്യ മന്ത്രാലയം ഇറ്റാലിയന്‍ അംബാസഡറോട്‌ വിശദീകരണം തേടി. അംബാസഡര്‍ ജി.എസ് ​​മോണ്ടേഫോര്‍ട്ടിനെ (Giacomo Sanfelice di Montefort)വിളിച്ചുവരുത്തിയാണ്‌ വിശദീകരണം തേടിയത്‌. സംഭവത്തില്‍ ഇന്ത്യ ശക്തമായ പ്രതിഷേധം അറിയിച്ചു. ഇന്ത്യന്‍ ഉദ്യോഗസ്ഥരുടെ ചോദ്യം ചെയ്യലിന് കപ്പലിന്റെ ക്യാപ്റ്റന്‍ സഹകരിക്കണമെന്നും ഇന്ത്യ ആവശ്യപ്പെട്ടു. അതേസമയം, ഇറ്റാലിയന്‍ കപ്പല്‍ രാജ്യാന്തര ചട്ടങ്ങള്‍ ലംഘിച്ചിട്ടില്ലെന്നും മുന്നറിയിപ്പ് നല്‍കിയിട്ടും പിന്മാറാന്‍ തയ്യാകാതിരുന്നതിനാലാണ് വെടിവച്ചതെന്നും അംബാഡര്‍ കേന്ദ്രസര്‍ക്കാരിനെ അറിയിച്ചു. കടല്‍കൊള്ളക്കാരാണെന്ന് ധരിച്ചാണ് വെടിവച്ചതെന്നും അംബാസഡര്‍ പാശ്ചാത്യ രാജ്യങ്ങളുടെ ചുമതലയുള്ള വിദേശകാര്യ സെക്രട്ടറി എം.ഗണപതിയെ അറിയിച്ചു.

കടല്‍കൊള്ളക്കാരാണെന്ന് ബോധ്യപ്പെട്ടതുകൊണ്ടാണ് കപ്പലിനെ നാവികസേന വെടിവച്ചത്. ആക്രകമണത്തില്‍ നിന്ന് ഒഴിഞ്ഞുമാറാന്‍ പലതവണ കപ്പല്‍ ശ്രമിച്ചിരുന്നു. ബോട്ടിലുണ്ടായിരുന്നവരോട് മടങ്ങാന്‍ ആവശ്യപ്പെട്ടിട്ടും അവര്‍ കപ്പലിനെ സമീപിക്കുകയായിരുന്നു. കപ്പല്‍ ജീവനക്കാര്‍ ബൈനോക്കുലറിലൂടെ വീക്ഷിച്ചപ്പോള്‍ ബോട്ടില്‍ ആയുധധാരികളെ കണ്ടതോടെയാണ് കടല്‍ കൊള്ളക്കാരാണെന്ന് ഉറപ്പിച്ച് വെടിയുതിര്‍ത്തതെന്നും അംബാഡര്‍ അറിയിച്ചു. കൊച്ചിയിലെ തീരദേശസേനയുമായി ബന്ധപ്പെട്ടശേഷം കൊച്ചിയിലേക്ക് തിരിച്ചുപോകാനും കപ്പല്‍ തീരുമാനിച്ചിരുന്നുവെന്നും അദ്ദേഹം പറഞ്ഞു. ഇന്ത്യ നടത്തുന്ന ഏത് അന്വേഷണത്തോടും സഹകരിക്കാന്‍ തയ്യാറാണെന്നും അദ്ദേഹം കൂട്ടിച്ചേര്‍ത്തു.

"Please give a comment about this post; also forward this post your dearest friends and relatives. thanks" !!