[ബ്ലോഗെഴുത്ത് (വാര്‍ത്തകള്‍ തിരഞ്ഞെടുത്തു നല്‍കുന്നതിനായി മനോരമ, മാധ്യമം, ദീപിക, മംഗളം, മാതൃഭൂമി, കേരളകൗമുദി, മുതലായ പത്രങ്ങളിലെ വാര്‍ത്തകളോട് കടപ്പാട്.) വായനക്കാര്‍ക്ക് ചുരുങ്ങിയ സമയത്തില്‍ പ്രധാനപെട്ട കേരള, ഇന്ത്യ, വേള്‍ഡ് വാര്‍ത്തകള്‍ ഒറ്റ നോട്ടത്തില്‍ വായിച്ചു മനസ്സിലാക്കാന്‍ വേണ്ടിയുള്ള ഈ സധുധേശം പ്രധാന പത്ര മാധ്യമങ്ങള്‍ മനസ്സിലാക്കാന്‍ അപേക്ഷിക്കുനതോടൊപ്പം, ഹെഡിംഗ് ലിങ്ക് അവരുടെ സൈറ്റ്ലേക്ക് ലിങ്ക് ചെയ്തിട്ടുമുണ്ട്. അവരോടുള്ള കടപ്പാടും ഇവിടെ അറിയിക്കുന്നു. നിങ്ങളുടെ കൂട്ടുകാരെയും ഈ ഇന്ഫോര്‍മശന്‍ ബ്ലോഗ്ഗിലേക്ക്‌ സ്വാഗതം ചെയ്യൂ.ബ്ലോഗ്ഗെര്‍.]


ചൊവ്വാഴ്ച, ഒക്‌ടോബർ 04, 2011

ഡ്രൈവിങ് ടെസ്റ്റ് ഇനി കമ്പ്യൂട്ടര്‍ നിരീക്ഷിക്കും !!!

കണ്ണൂരും കോഴിക്കോട്ടും ഓട്ടോമേറ്റഡ് ട്രാക്ക്

കണ്ണൂര്‍: ഉദ്യോഗസ്ഥരെ സ്വാധീനിച്ച് ഡ്രൈവിങ് ടെസ്റ്റ് വിജയിക്കാമെന്ന് ഇനി ആരും കരുതേണ്ട. ലൈസന്‍സിനായി മൈതാനത്ത് വാഹനമോടിച്ച് 'എട്ടും' 'എച്ചും' വരയ്ക്കുന്നത് നിരീക്ഷിക്കാന്‍ കമ്പ്യൂട്ടര്‍ നിയന്ത്രിത സംവിധാനമേര്‍പ്പെടുത്താന്‍ മോട്ടോര്‍ വാഹന വകുപ്പ് നടപടി തുടങ്ങി. ആദ്യ ഘട്ടമെന്ന നിലയില്‍ കണ്ണൂര്‍ എളയാവൂരിലും കോഴിക്കോട് ചേവായൂരിലുമാണ് കമ്പ്യൂട്ടര്‍ നിയന്ത്രിത ഓട്ടോമേറ്റഡ് ഡ്രൈവര്‍ ടെസ്റ്റിങ് യാര്‍ഡുകളൊരുക്കുന്നത്. ഡ്രൈവിങ് ടെസ്റ്റ് നടത്തിപ്പ് സുതാര്യമാക്കുകയും നിശ്ചിത നിലവാരം ഉറപ്പാക്കുകയുമാണ് ലക്ഷ്യം. ലൈറ്റ് മോട്ടോര്‍ വാഹനങ്ങള്‍ക്കുള്ള 'എച്ച്' ട്രാക്കിലും പാര്‍ക്കിങ് ട്രാക്കിലും ഗ്രേഡിയന്‍റ് ട്രാക്കിലും ഇരുചക്ര വാഹനങ്ങള്‍ക്കും ഓട്ടോറിക്ഷകള്‍ക്കുമുള്ള 'എട്ട്' ട്രാക്കിലുമാണ് പുതിയ സംവിധാനമൊരുക്കുന്നത്. ടെസ്റ്റിന് അപേക്ഷകന്‍ ഓടിക്കുന്ന വാഹനത്തിന്റെ പാതയും വേഗവും കമ്പ്യൂട്ടറില്‍ രേഖപ്പെടുത്തും. പാതയുടെ രേഖാചിത്രത്തില്‍ പല നിറങ്ങളിലാവും വേഗം സൂചിപ്പിക്കുക. ട്രാക്കില്‍ സെന്‍സര്‍ സ്ഥാപിച്ച് ഈ വിവരങ്ങള്‍ ശേഖരിക്കും. ഓട്ടത്തിനിടയ്ക്ക് ട്രാക്കിന് പുറത്തുകടക്കുകയോ കാലുകുത്തുകയോ ചെയ്താല്‍ കമ്പ്യൂട്ടര്‍ പിടിക്കും.

ട്രാക്കിന്റെ ഒരുഭാഗത്ത് അപേക്ഷകന്റെയും വാഹനത്തിന്റെയും ഫോട്ടോ എടുക്കാനും സംവിധാനമുണ്ടാവും. ഡ്രൈവിങ് ടെസ്റ്റിന്റെ ഫലത്തോടൊപ്പം ഈ ഫോട്ടോയും ഉള്‍പ്പെടുത്തും. ഡ്രൈവിങ് ലൈസന്‍സിന് അപേക്ഷിക്കുമ്പോള്‍ അപേക്ഷകന്‍ നല്‍കിയിട്ടുള്ള വിവരങ്ങള്‍ മോട്ടോര്‍ വാഹന വകുപ്പിന്റെ പ്രധാന സെര്‍വറിലുണ്ടാവും. അപേക്ഷ നല്‍കുമ്പോള്‍ ബാര്‍ കോഡ് ഉള്‍പ്പടുത്തിയ തിരിച്ചറിയല്‍ രേഖയും അപേക്ഷകന് നല്‍കും. ഡ്രൈവര്‍ ടെസ്റ്റിങ് യാര്‍ഡിലേക്ക് പ്രവേശിക്കുമ്പോള്‍ ബാര്‍ കോഡ് സ്‌കാന്‍ചെയ്യുന്നതോടെ ഈ വിവരങ്ങള്‍ അവിടെ ലഭിക്കും. പരീക്ഷ കഴിഞ്ഞാലുടന്‍ ഫലം ഈ വിവരങ്ങളോടൊപ്പം വകുപ്പിന്റെ പ്രധാന സെര്‍വറിലേക്ക് നല്‍കും. ഇത് പരിശോധിച്ചാവും ലൈസന്‍സ് അനുവദിക്കുക.

ചേവായൂരില്‍ നിലവിലുള്ള ഡ്രൈവര്‍ ടെസ്റ്റിങ് ട്രാക്കിലാണ് കമ്പ്യൂട്ടര്‍ സംവിധാനവും സെന്‍സറുകളും സ്ഥാപിക്കുന്നത്. കണ്‍ട്രോള്‍റൂമിനുള്ള മുറിയും ഇവിടെയുണ്ട്. എളയാവുരില്‍ ട്രാക്കിന്റെ നിര്‍മാണം പൂര്‍ത്തിയായിട്ടില്ല. നിലവിലുള്ള ട്രാക്കില്‍ മാറ്റമൊന്നും വരുത്താതെ ഏത് വാഹനത്തിനും പറ്റിയ രീതിയിലാവും സംവിധാനമൊരുക്കുക. രണ്ടിടത്തും ഓട്ടോമേറ്റഡ് ഡ്രൈവിങ് ടെസ്റ്റിങ് യാര്‍ഡ് ഒരുക്കാന്‍ മോട്ടോര്‍ വാഹന വകുപ്പ് താത്പര്യപത്രം ക്ഷണിച്ചു. ബി.ഒ.ടി. (നിര്‍മിച്ച് പ്രവര്‍ത്തിപ്പിച്ച് പരിപാലിച്ച് കൈമാറുന്ന) രീതിയിലാവും പദ്ധതി നടപ്പാക്കുക.
(courtesy:Mathrubhumi.com)

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

Please give a comment about this post; also forward this post your dearest friends and relatives. thanks. !!

ങ്ഹാ, സമയം ഒരുപാടായി !!!

Careermidway.com | Today's Jobs in Qatar

Google Malayalam News !

Namecheap.com - Cheap domain name registration, renewal and transfers - Free SSL Certificates - Web Hosting

Mangalam News !

Mathrubhumi News !

Helpful School Blogs

പ്രധാന വാര്‍ത്തകള്‍ - Google വാര്‍ത്ത