പെട്രോള്‍ വില ലിറ്ററിന് 2 രൂപ കുറഞ്ഞേക്കും. ( Gulf malayaly.com)

ന്യൂഡല്‍ഹി: എണ്ണക്കമ്പനികള്‍ പെട്രോള്‍ വിലയില്‍ ലിറ്ററിന് 2 രൂപ കൂടി കുറവുവരുത്തിയേക്കുമെന്ന് സൂചന. വ്യാഴാഴ്ച മുതല്‍ വില കുറയ്ക്കാനാണ് ആലോചനകള്‍. ഒരു രൂപ കുറച്ചേക്കുമെന്ന് നേരത്തേ റിപ്പോര്‍ട്ടുകളുണ്ടായിരുന്നു. രാജ്യാന്തര വിപണയില്‍ ഗ്യാസോലിന്റെ മാര്‍ജിനില്‍ ഇടിവുണ്ടായതാണ് ഇന്ധന വില കുറക്കാന്‍ പ്രേരിപ്പിക്കുന്നത്. എന്നാല്‍ നവംബര്‍ 30 ന് ആഗോള വിപണിയിലെ ശരാശരി വിലയും വിദേശ നാണ്യ വിനിമയ മൂല്യവും അവലോകനം ചെയ്തതിന് ശേഷമേ കൃത്യമായ വില നിര്‍ണയിക്കാന്‍ സാധിക്കൂ എന്ന് പൊതു മേഖലാ എണ്ണക്കമ്പനികള്‍ വ്യക്തമാക്കി.